Ecomusèu Terra del Chastelmanh – Lhi Babachos
Ecomusèu Terra del Chastelmanh – Lhi Babachos
Comuna e Valada:
MONTEROSSO GRANA - Val Grana
Telefòn: 329 4286890
Adreiça: Frazione San Pietro, Monterosso Grana
Corrièr electronic: expa.terradelcastelmagno@gmail.com
Sit Web: terradelcastelmagno.it
- Rejonh lo luòc
Lhi Babachos, chichos d’fen a grandessa naturala, son naissuts ental 2013 butant ensemp tradicion, memòria e comunitat, passat, present e futur, e pòpolon mai lo “paìs sensa temp” empersonant de gent qu’es pròpi vivua aquì a la fin de l’Uech cents. Companhats dal Baston d’Gino, encuei lhi visitators pòlon interagir abo dètz personatges e escotar lors istòrias – contaas pròpi da lhi abitants d’Sen Pier - intrant en las sèt ambientacions del musèu. Dreire totas las istòrias lhi a un nòm, una memòria, un messatge da passar.
Lhi Babachos rapresenton òmes, fremas e mainaas abo vestas del tard ‘800, empenhats ental trabalh de tuchi lhi jorns enti champs, al molin o en las cavas de lausas, companhats da didascalias e panèls bilengas, en italian e occitan.