Centre Europèu Giovanni Giolitti
Centre Europèu Giovanni Giolitti
Comuna e Valada:
DRONERO - Val Maira
Adreiça: Via XXV Aprile 25, Dronero
Corrièr electronic: giolitti@giovannigiolitti.it
Sit Web: giovannigiolitti.it
- Rejonh lo luòc
Lo Centre Europèu Giovanni Giolitti, estachat a Palais Savio e dapè a la Glèisa del Gonfalon, crea un triangle cultural e istòric unic ental còr de Draonier. Naissut ental 1998 gracias a una donacion a la comuna d’un fond de 30.000 documents des familhas Giolitti-Chiaraviglio-Revelli, lo centre pòrta a la descubèrta d’una figura icònica del principi del Nòu Cents, originari d’la Val Maira: Giovanni Giolitti. D’enlora lo Centre a esvilupat la sia acion ent’un context nacional, organizant convenhs, cors, conferenças, mòstras, publicacions.
Giovanni Giolitti era naissut a Mondvì ental 1842 da una familha originaria del Lausèt d’Acelh. Perdut lo paire quand avia mec un an, se meira abo la maire a Turin, mas per un problema de santat per tres ans vai viure en cò del parsièr, nodari a Sant Dumian. Frequenta la facultat de Jurisprudéncia a l’Universitat de Turin e se laurea a 19 ans. Un barba l’enchamina a la vita politica, e Draonier deven lo centre de son collègi electoral; se presenta a la Chambra e deven deputat a Coni. Quora lo govern Rudinì tomba, lo rei cèrn Giolitti per l’incaric de president del Conselh (mai del 1892). Lo periòde 1901-14 es sovent chamat «l’etat giolittiana»: deventa ministre de l’Intern (1901-03), puei president del Conselh per tres ministèris fins al 1914. Muer a Cavour ental 1928.