Exposicion permanenta d’Art Sacra
Exposicion permanenta d’Art Sacra
Comuna e Valada:
DRONERO - Val Maira
Adreiça: Via XXV aprile, c/o Confraternita del Gonfalone, Dronero
- Rejonh lo luòc
Ental centre istòric d’Draonier, dreire la jòlia Plaça Manuel di San Giovanni, estremaa entre lhi palais residencials, se tròba la pichòta Glèisa del Gonfalon. Reconstruïa al principi del ‘700 en estil baròc, abo sias formas verticalas e l’estil bigalhat esmaravilha lo visitator.
Totun lo ver tresòr es gardat enti locals dapè a la navada principala, ente l’exposicion d’art sacra documenta la vita e l’òbra di membres d’la Confraternita di Disciplinats, puei dicha del Gonfalon, fondaa ental secol XII e enca’ activa.
La glèisa e la confraternita sono coneissuas coma “Crotzaa”, per la divisa di siei fondators, una tòga blancha abo la crotz. Un preciós arquivi garda decò la racòlta completa di documents de l’òrdre e fins lhi registres secolars di confraires e des consòrres.