Musèu d’l’Abadia d’Sant Dalmas d’Pedona
Musèu d’l’Abadia d’Sant Dalmas d’Pedona
Comuna e Valada:
BORGO SAN DALMAZZO - Val d'Estura
Adreiça: Via dell’Ospedale 2, Borgo San Dalmazzo
Sit Web: http://www.museoabbazia.it/museo/
- Tròba lo pòst
En l’antic palais dapè a la Parròquia, lo Musèu d’l’Abadia d’Sant Dalmas conta l’istòria da l’antica vila romana d’Pedona, important ponch de dogana de la Quadragesima Galliarum, ente se tassavon las mercancías que passavon de la Gàllia a la IXa regio. En sa necròpoli, l’epoca paleocristiana a vist principiar la devocion per lo jove martir Dalmatz, e a travers la fondacion d’la prima abadia longobarda arriba ai temps d’òr del romanic. Centre e tresòr del percors, que compren mai de 2000 ans, es la cripta d’l’antica abadia, rara per encharm e enterés arquitectònic.
Lo jove Dalmatz, o Dalmaci, istruït e de familha benestanta, es considerat coma un Sant Francésc ante litteram: avia laissat tot çò qu’avia e començat a predicar la nòva religion cristiana dins aquesta part occidentala de l’Empèri Roman. Sa predicacion s’era pas fermaa a Pedona e a l’entorn, mas s’era eslarjaa da Cemenelium (encuei Niça) fins a Pavia e Milan, fasent sempre mai de discepols. Aquò avia fach enrabiar lhi sacerdòts pagans, que perdìon poder. Alora era estat chamat a Pedona e aquí, a la confluéncia di riols Gés e Vermenanha, era estat martirizat lo 5 de decembre del 254.