Musèu del Setifici Piemontés – Lo Filatoio
Musèu del Setifici Piemontés – Lo Filatoio
Comuna e Valada:
CARAGLIO - Val Grana
Telefòn: 0171 618300
Adreiça: Via Matteotti 40, Caraglio
Sit Web: https://www.filatoiocaraglio.it
- Rejonh lo luòc
Justa fòra dal centre d’Caralh, s’la via per Draonier, se tròba la filanda d’Caralh, testimoniança d’l’arqueologia industriala del Sèt Cents, encuei la pus antica manifactura d’la seda enca’ existent en Europa a acorpar las operacions d’tractura e d’torsua. Dedins es estaa realizaa una curaa reconstrucion di principals instruments emplegats enlora per producher lo fil d’seda, que dal fornelet per la tractura di coquets (per desbanar la bava), passant per incannatoio e binatoia, aisinas adobraas per embobinar lo fil sus roas o bombinas, pòrta a la part pus enteressanta del percors: las imponentas tortisas idraulicas da seda sus modèl bolonhés. Tuchi lhi maquinaris son d’reproducions d’aquelhi adobrats entre la metat del ‘600 e ‘700, en lor sistemacion originala e abo lhi mesmes materials.
En al provincia d’Coni, s’es començat a trabalhar la seda despuèi la seconda metat dal Sèt Cents. Chasque familha enlevava de coquets, e las fremas des valadas trobavon aquí lhi premiers trabalhs pagats. Las filieras, encharjaas d’la filanda, devion torar lo fil dal coquèt; la seda era puèi tissua en d’autras fabricas.